هل تقبل بأن تتزوج بمطلقة ؟؟؟

[طموحة بلا حدود]

حلو اللي افهمه من ردودكم بان المطلقه مايعيبها شي بل بالعكس ممكن يكون فيها

مواصفات محببه لقلب الرجل....

بس السؤال المحير مدى القبوول للمراه المطلقه ولديها اطفال وهي موظفه وعمرة صغير

[إيثــــار]

الحين لازم تتزوجون انتم ماتعرفون تعيشون بدون زواج ؟
لايجي واحد ويقولي مجتمع
اهم شيء راحتي
ارحمونا تكفون
يعني كلها سنه سنتين ويكون فيه مساوة بين ابو سروال وفنيلة والمراه
وبكذا ماراح تحتاج المراه انها تتزوجه وتعيش معه عشان ماتقول مين يوديني ومين يجيبني
واذا ع التكاثر ترا مالها داعي تصفين لك درزن اطفال
بكرا لو يموت واحد منهم صار فيك حالة نفسيه من الهم والغم

قرفتونا بمواضيعكم الرجل والمراه
خلااااااااااااااص فضوها سيرهـ
وشوفوا لنا مواضيع ارقى من هالمشروع الفاشل (الزواج)

[طموحة بلا حدود]

اقتباس:  المشاركة الأصلية كتبت بواسطة إيثــــار     الحين لازم تتزوجون انتم ماتعرفون تعيشون بدون زواج ؟ لايجي واحد ويقولي مجتمع اهم شيء راحتي ارحمونا تكفون يعني كلها سنه سنتين ويكون فيه مساوة بين ابو سروال وفنيلة والمراه وبكذا ماراح تحتاج المراه انها تتزوجه وتعيش معه عشان ماتقول مين يوديني ومين يجيبني واذا ع التكاثر ترا مالها داعي تصفين لك درزن اطفال بكرا لو يموت واحد منهم صار فيك حالة نفسيه من الهم والغم قرفتونا بمواضيعكم الرجل والمراه خلااااااااااااااص فضوها سيرهـ وشوفوا لنا مواضيع ارقى من هالمشروع الفاشل (الزواج)

اتوقع انك لسى صغيرة استحاله تفهمي مقصدي ياحلوة ..

المرأه بالحياه او الرجل لابد له من مكمل ليهنى بالعيش استحاله يكون مبسوط

وسعيد اذا ماكان له بيت و حياه خاصه مع زوجه واطفال ..

ابجي مع كلامك امراه موظفه ومعها اطفالها وعايشه بيت لوحده راح تكون مبسوطه

اول حياته واخذ كل راحته بحياته وبعدين ..

الرجل بالنسبه للمراه مكمل لها والعكس كذلك صحيح

[قلب أبيض]

اقتباس:  المشاركة الأصلية كتبت بواسطة زينة نجد     بس السؤال المحير مدى القبوول للمراه المطلقه ولديها اطفال وهي موظفه وعمرة صغير

هنا تقل فرص الزواج لها من غير المتزوج


أما من المتزوج المساحة متاحة وكبيرة


ويتفاوت الراغبون


فهناك من يريد أنثى مميزة ويتجاوز كل الظروف


و هناك من يهرب من الظروف والمسؤوليات


و يتنازل عن المميزات من أجل ذلك .

[قلب أبيض]

الموضوع خشبة المسرح


يستعرض فيها الرائع بفكره وجمال أراءه


و ( ينطنط ) فيه احمق ( يحسب أنه يحسن صنعا )


و يقدم نفسه بصورة مخجلة

[عازفة ألحان الليل]

اقتباس:  المشاركة الأصلية كتبت بواسطة قلب أبيض     الموضوع خشبة المسرح يستعرض فيها الرائع بفكره وجمال أراءه و ( ينطنط ) فيه احمق ( يحسب أنه يحسن صنعا ) و يقدم نفسه بصورة مخجلة

<<نفس التفكير

[شتآت خالدية]

لـلاسف المجمتع القصيمي له نظرة مهما طال الزمن لن تتغييير لهن
المطلقة والارملة انسانه تحمل مشاعر واحسايس
الزوج الاول طلع موب كفو شو ذنبها تدفن بحياة وهي تبي حياة جديدة
زوجها مات تموووت معه
حالات تحتاج للنقاش واسع
وقتي ضيق ،/

[طقاقة بدون مايك]

اقتباس:  المشاركة الأصلية كتبت بواسطة إيثــــار     مادري ليه حسيت بالغرور بعد ردك شموخ وعدم خنوع يالبى انا

آمممم...يحق لهم الــ غرور والله...~ !



من خلآل تعآملي مع مجموعة كبيرة من المنفصلآت...آشوف عندهم ثقة كبيرة بَ أنفسهن مَ كآنت موجودة ب مشروع زوآجه الاول بلعكس تلقينه ب تجربته الاولى ركيكة و رثة التفكير وماشية عَ البركة والحقوق مهضومة وتتخبط وكله هذا تحآول تتلآفه ويتلاشى بمجرد أن يطلق عليه لقب مطلقآ...آتوقع أكثر تجربة تستفيد منه الحرمه ...هي تجربة الـ طلآق..~ !

[حالة حب]

ثلاثة ارباع اللي قالو نعم نتزوج مطلقات

من وري الكيبورد لاجاء الجد ولا واحد

يتزوج مطلقه

شكرا على طرحك الرائع

[تركـي]

اقتباس: آتوقع أكثر تجربة تستفيد منه الحرمه ...هي تجربة الـ طلآق..~ !

طقاقه ...

لا يطيرون بالعجه معك
بكراا نلقى كلهن يلعبن آونو ببيوت أهلهن ..

ترآآ السوريات على آآآفى من يشيل ..

[طقاقة بدون مايك]

اقتباس:  المشاركة الأصلية كتبت بواسطة تركـي     طقاقه ... لا يطيرون بالعجه معك بكراا نلقى كلهن يلعبن آونو ببيوت أهلهن .. ترآآ السوريات على آآآفى من يشيل ..

وهن للحين مَ لعبن ؟.~ !

لعبن أونو وبلوتو وهيصن ورقصن وطنبحن وصاحن وقامن وأنبسطن 3 سنين عقب تجربتهن الاوله ...وهمين آعرسن مرتن ثانية ....م شاء الله م شاء الله سوقهن مآشي زي الفلة...يجيهم الي مآجا الصبآيا بنات الـ بنوت...وهذا شوف عيني محد قالي ...حتى إني آمنت بعده إنه الدنيآ مَ تصفى إلا ل العوجآ والمنكسرآ..~ !

آمم توركي مإ تكلمت من فرآغ ...والله الي اشوفه و1قع ...حتى من كثر م أشوف مطلقآت ...صًرت أشك إنه بوه أحد متزوج زوآج طبيعي~ !



/


شف ...والله ي أنه نظرة من مطلقة ...تبيع وتشري السوريآت و الفلبينيات والمغربيات كلهن ...ِشف بس نظرة ...جست فيجن..~ !

[عازفة ألحان الليل]

تختلف اسباب المطلقة في طلاقها على حسب ظروفها

لذالك المفروض لا ننظر للمطلقة بعين الإتهام

ولكن ينظر لظروفها والأسباب ثم نحكم

ولا نسمع مايقوله الناس عنها فغالبا يكون كذبا وتزويد بهارات حارة..
وحتى الأهل بعض الأحيان يفهم منهم اشياء اخرى عنها غير حقيقية..
الأفضل هي تتكلم ويفهم منها كل ما عانته من معاناة وظلم مارس ضدها ..
إذا طبقنا هذه الجزئية استطعنا ان نقلل من المطلقات ..وإحترام ظروفهن

[Miss Tala]

المشكله كيف تتاكد او يتاكد انه الاطفال ماراح ينظلمون ..!!في كل الحالتين هذي النقطه الاهم وصلب الموضوع .
لان اغلب المطلقات اجزم ان تفكيرها راح يكون بمصير اولادها واالبعض مايهمه تقول اخليه عند اهلي او اعطيه ابوه ..والامثله كثيره تزوجن وحطن البزران عند الرجل او عند اهلهن وماغير يركضن بعيالهن اللي من زوجها الحالي كهكا كان تاثيره ع الطفل كبير ..

لكن المطلق والمطلقه مثلهم مثل غيرهم مايمنع يتزوجون ومااعنقد الحين فيه احد يعارض هالنقطه ..

[النهـــار]

الحقيقه ان اي انسان مقبل في بداية حياته على الزواج لايريد ان يرتبط
بانسانه مطلقه والسبب هو انها عرفت وارتبطت بشخص آخر

فمن رأيي ان المطلقه ..تكون اكثر حرصا على هذا الزوج من غيرها والسبب هو خبرتها السابقه في الحياة ونظرة المجتمع القاصره تجاهها. كذلك من يتزوج مطلقه وهو مقتنع بها هذا دليل اخر على سواءه النفسي وانه لا ينظر الى المطلقه من زاويه مظلمه.

وعموما ..فكرة الزواج من مطلقه قناعات تختلف من رجل لرجل ..
وماتقلل من قيمته ابدا ..

[مستقل]

لابأس بشرط ان يكون فيها ميزات اخري

الزواج عباره عن تزاحم منافع ومكاسب

بمعني ان الزواج من البكر ارغب من الثيب

ولكن قد تفضل البكر لامر ديني او اجتماعي او مالي او غير ذالك

قد يخير الانسان بين بكر صغيره وبين ثيب وعندها زياده جمال

او علم او دين او سنع وحشيمه وقرامه وصبر او تكون ارمله اخيه

او غير ذالك

لنكن واقعيين الزواج ليس صدقه او تبرع

الزواج اختيار عن قناعه الى اخر الحياه

فعلي الانسان ان يكون دقيقا في اختياره

ويشاور ويحسب الامور بالطول والعرض كما يقال

لان الزواج في الغالب مره واحده فقط والى نهايه الحياه

ومن دخل فيه بنفسيه المتبرع والمحسن خسر كثيرا

شاكر لك