البارحة في منامي شفت خلي ... هــوس الــنــســاء فـي تـفـسـيـر الاحــــــلام

[عجوز سمنسي]

اقتباس:  المشاركة الأصلية كتبت بواسطة فديكا بريده     احمد ربك اني مااحلم بك حلومي توجع الراس .... بس حلمنا على الصامت الرجال اللي يضحك واللي صوته يطلع احيانا ينفضح من سواليفه والسعابيل تغرق مرته والله من شين الريحه...

فديكا افقي بالرجال لاتحلمين فيه يروح فيها

عاد متميلحة سوياههن بالنوم؟

والله من ضرب السمفونيات وتقاطر الطحينية من خشتها

بالله عمركم شايفين حريم تنام وهي تاكل طحينية ؟

والريحة عاد هذي يالله يالله مروحة شفط تركب بفمها وتوصل المروحة للسطح

[عجوز سمنسي]

اقتباس:  المشاركة الأصلية كتبت بواسطة قرناس     العجوز ما يجوز .... مرحب بعودتك قيل قديما ان الرؤى ثلاثة انواع رؤيا صادقة ورؤيا صالحه واثغاث احلام اما الآولى فتأتي مثل فلق الصبح ولا تحتاج الى معبر والثانية هي التي تكون غير مفهومة للرائي وتحتاج الى معبر وهبه الله والهمه التعبير والثالثه هي اضغاث الأحلام فهي من احاديث النفس اوتلاعب الشيطان بأبن آدم فتجد الآمال التي لم يستطع الأنسان تحقيقها في في واقع الحياة يراها في منامه (كمثل السجين يرى انه طليق والعطشان يرى في منامه مايروي عطشه ) وقس على ذلك ذكرتي يابعدي باحد المفسرين حين عبررؤيا احد المتصلين وفي معرض تفسيريه لهذهالرؤيا حدد جازماً وبما لا يدع مجالا للشك موعد لنهاية اسرائيل وبالتاريخ السنوي والشهري واليومي ايضاً مابقى الا الساعة . المضحك ان التاريخ المحدد مضى عليه الآن اكثر من 5 سنوات ولم تتحقق هذه الرؤيا هذا في معرض الرؤى السياسية اما سباحين العجز في منامها فكثر منها

اهلا باصديق قرناس افندي الزعطلوني

التقاسيم لاغبار عليها

لكن المشكلة ان الحريم مهب تشوف رؤى صادقة

تشوف ياقلبي اضغاث احلام همن تجيك من بكرة تولول وتصيح والا طلعو لي رقم شيخ تراي شفت القيامة

اغلب المفسرين الله يهديهم اخذوها مهنة والا وسيلة

حتى ان البعض اصبح يفشي بين الحريم انه مفسر ولتعلم القصد من ذلك

شرفتني ياقلبي

[عجوز سمنسي]

اقتباس:  المشاركة الأصلية كتبت بواسطة مشقاص     هلا وغلا بالسمنسي البنات لعدم ثقتهم بالواقع ذهبو للأحلام لعلهم يجدون ما فقدوه في الواقع . مثل من يتعلق بقشه لعل وعسى الكل يعيش بالأحلام وأستغل هذا الشعور من قبل مشايخ تفسير الأحلام بالنصب على ضيعيفات الدين والغير واثقه من واقعها ...

هلا بالعم مشقاص

ياقلبي اي واقع اللي ماصارت البنات تثق فيه ؟
هي اول شي تزرع الثقة بنفسها ثم تجي تبحث عن الثقة بالواقع

عايشات احلام رومنسية مع مهند وشلته وتبيهن يعيشن الواقع ؟

ما الوم من نصب عليهن وتصدر تفسير الرؤى

لاقين كمخ صقعى

شرفتني ياعم

[عجوز سمنسي]

اقتباس:  المشاركة الأصلية كتبت بواسطة عاشق الخير     [align=center]عودا حميدا .. [/align][align=center] في مجتمعي أصبح والدي((رحمه الله )) كعزرائيل فما أن تراه أحدى النساء الا ويكون الموت حليفها او حليف من رأتها معه في المنام .. لذا اصبح والدي رحمه الله علم على رأسه نار فلا يحتاج من رأه في منامه لمفسر أحلام بل يستعجل في تجهيز الكفن وكتابة الوصية .. ولهذا أصبح كابوووس يحيط بنا في أحلامنا [/align] اللي وده يخلص من اللي حوله يرسله ابوي بالحلم ..

هلا بصاحب الراية الخضراء

رافع لواء النساء

اولاه من رماك انت وتوبي

بس اصبر علي للحين ماتفرغت لكم

الله يحفظ والدك

اجل صاير عزرائيل ؟

طيب حتى لو شافه الواحد لابس ابيض في ابيض يبي يموت ؟

اغديك تقول لابوك يقرأ ورده ويدعي ربه مايشوفه احد بالحلم

ذكرتني باحد القراء

يقول اللي اقرأ عليه يا يتعافى بسرعه يايموت على طول

شرفتني ياقلبي وياهلا بك

[عجوز سمنسي]

اقتباس:  المشاركة الأصلية كتبت بواسطة شموخـ إمرأهـ     >>ماتلحقون جزاي جبته لكم >>من وقفت وهي تقط خيط وخيط خخخخخخخخخخ والله ياسمنسي انا ما افسر لكن اشوف اللي بالحلم مثل ماهو بالطبيعه واحيانا ادري بـ اشياء واصير شفتها بالحلم واذكر اني شفت حلم>>تبي تقصه على سمنسي اغدي عنده تفسير ايه اقولك الحلم اني قاعده على كرسي ولا ادري عن شئ وفيه شخص يحوس ويدوس وراى وانا مو حاسه فيه وياحاول يسوي شئ الله اعلم به >>اكمل الحلم ولا مادوك؟؟؟ عودا حميدا

هلا بالموقوفة

ايه شفت دعواتك لي بالعودة وماقصرتي
عاد نبي عشاء بالمناسبة

ايه هاتي حلمك ندور لك واحد يفسره لك

مع اني عارف انه حلوم خيط وخيط على قولتك
وعارف انك مكثرة اندومي

عاد والله من شين الحلوم مع الاندومي

ريحة شغالات

شكلك محلمة باندونيسيا

هلا بك

[عجوز سمنسي]

اقتباس:  المشاركة الأصلية كتبت بواسطة ~عاليه~     أعتقد أن الهوس بتفسير الأحلام لم يعد قاااصر على النساء فقط بل طال الرجال ايضاً بالمفتشر ترا حتى الرجال مدحدرين لاحقين الحريم بكل شئ او والله يمكن انهم أردى .. ولا يفهم من كلامي اني أبرى الحريم .. كنت اتابع على احد القنوات برنامج لتفسير الأحلام عاد المفسر الله يسعده كل مادقت عليه وحده قال زوج صالح باذن الله

هلا بالعالية

ياستي انا لا ابرئ الرجال من شي

لكن يجب ان تكوني منصفة وتعترفي ان النساء اكثر من تبحث عن تفسير الاحلام

على اي حلم تبحث عن تفسيرة حتى لو هي محلمة انها طالعة لاستراحة راحت تبحث عن تفسيرها

لاينبغي ان تكون النساء مخفة بهذه الصورة

ترى الركادة زينة

وما الوم المفسر اذا قال زوج صالح

لاقي الحريم يبون الشي مشى على الموضة

شرفتيني

[عجوز سمنسي]

اقتباس:  المشاركة الأصلية كتبت بواسطة ¨¨™تـركـي™¨¨     تذكرت مفسر احلام مصري كان يظهر في قناة ابوظبي ....... وخذ مكالمات من الحريم واكثرهن من السعوديه والخليجيات وخذ تصريف على الحريم( مايبحل بنفسه والم التفسير) والحسابه بتحسب ...... والغريب الآن صارتفسير الآحلام والرقيه الشرعيه اصبحت استثمار لبعض مشائخ الجيل الجديد ....... الله المستعان .........

مصري ويفسر احلام ؟
والله من ضرب الثوم قبل تفسير الاحلام

بعذره ياقلبي لاقي الخليجيات مخفة وماتبيه يشغل الحسّابة ؟

قسم لو انا مكان لافل حجري واقول التفسير بعشرين ريال

وش خلاك تاجر ؟ من مخافات حريم الخليج << مثل من عنده

الرقية الشرعية تراني كتبت عنها موضوع

لاتنسى راعي الوايت يقرأ على الوايت ويبيع الجركل بخمسين ريال

شلق عصير

شرفتني ياتركي وياهلا بك ياقلبي

[عجوز سمنسي]

اقتباس:  المشاركة الأصلية كتبت بواسطة shahd2007     عودا حميدا السمنسي .. اشوف المجلس مستلج وزحمه .. حتى الحلم محاسبه عليه زاد الحرمه الله يصلحه وشوله تنام وتحلم .. مسأله تفسير الاحلام ... ماعمري سمعت او شفت حرمه اللحين تقول حلمه وتبي تفسير .. اللحين اكثرهن متعلمات ويعرفون ان الحلم مايفسر ..

اهلا بالشهد

مستجل المجلس بتشريفكم فهلا بك

يعني لازم اي حرمة تبي تحلم تجي لك ؟

مايعلمونك لان كل وحدة عندها عشرة ارقام للمفسرين وعلى طول تشوف لها خذاريف تركض للجوال وتتصل ولايعلمونك

واسالي الحريم المعرسة ياكثر حلومهن

شرفتي يامشرفتنا

[عجوز سمنسي]

اقتباس:  المشاركة الأصلية كتبت بواسطة باسمة     [align=center]أنا ما أأيد تفسير الحلم إلا إذا تكرر على الشخص نفس الحلم وسو له قلق[/align][align=center] أو بعض الرؤيا الي يحس الواحد أنه تستاهل أنه يفسرها وخاصة لما يراه بعض الأشخاص الذي يكون مصابون بمرض أوعين ممكن تكون بشاره لهم أن الله سيشفيه أو سيفرج عليه قريبا إن شاء الله أما مثلا تجيك وحده وتقعد تقول حلمه للمفسر مثلا(شفت بالحلم ولد جيرانا ولما دخل بيتنا صارت عمتي ماصارولد جيرانا بعدين فجأة دخل ولد جيرانا وأنا ماكنت لابسه الحجاب ..... )وغيره من الخرابيط ..وأصلا يعرف الواحد إن بعض الأحلام خرابيط حتى لو ماكنا عنده مهاره في تفسير الرؤى والأحلام .. واتمنى للجميع أحلام سعيده[/align]

هلا بك ياباسمة

كلام العقل تقولينه

وهذا المنطق اللي نقوله

ويجب على المرأة او اي شخص انه يبحث عن المفسر التقي ومو اي مفسر

ترى بعضهم ماخذينها مهنة

احلامك وردية ياسيدتي

هلا بك

[عجوز سمنسي]

اقتباس:  المشاركة الأصلية كتبت بواسطة باسم الثغر     صدقت ياعجوز ياكثر حلومهن الوحدة منهن لو تنام بين عشوين شافت لها حلمين أو ثلاثة ثم يروح عليها الليل وهي تدور أحد يفسر والغريب إنهن ماينسن الحلم أبد تصدق فكرة قناة لتفسير الأحلام مربحة جدا مهنا شغل ولا كلافة خل عندك تليفون وإذا اتصلت الوحدة فالتفسير أحد أمور ياتبين تتزوجين أو يجيك ولد أو أبوكم ماعنده نية يعرس عليك وهن مايقصرن يتخابرن بمفسر الأحلام المتفائل وصدقني الدراهم راح تكب كب تحياتي

هلا بك يابسام الثغر

ياقلبي ليتها نومة عشوين

الحين تجيك المدرسة الظهر متهاوشة مع مديرتها وتحلم فيها

تروح تسال الشيخ يقول لها الشيخ هذي عين قوية وانسانة حاسدتك

عاد يالله خذ هوشات بالمدرسة وشيل وحط ولعان وتشويه للصورة وهي راس مالها تفكير قبل النوم

تفسير الاحلام مربح

مايبي منك شي

تلفون كم خط وغرفة وحط لك خلفية مرعبة وحط لك مبخرة وطول اظافرك وكثر حجاجك

شرفتني ياقلبي

[عجوز سمنسي]

اقتباس:  المشاركة الأصلية كتبت بواسطة إنسانية جداً     عوداً حميداً بالنسبة لتفسير الأحلام صدقت النساء هن من يلهثن وراء المفسرين لربما لأنهن يلهثن خلف تحقيق الأمنيات ولو كانت أحلاماً مضطهدات على كل حال * مرحباً بعودتك

اهلا بك انسانية

اي امنيات ؟

امنياتهن تتحقق بالعمل والجدية وليس بالاحلام الوردية


لسن مضطهدات

هن من جلبن الاضطهاد لانفسهن

شرفتيني

[وَجدُ الْكِتَابَة]

[align=right]
صدقت ’
لكن ربما السبب لأننا نأمل بتفسير يقلب وجه الواقع ..!!
أو ربما أن حياتنا الخاصة هي جل اهتمامنا ’
أوربما لأننا تاقصات عقل ’

لكننا نعي تماماً أن القصة لا دريم ويب ولا لب خيار ..
تعرف كيكة يقال لها قدرة قادر ؟!



عوداً حميداً




[/align]

[عجوز سمنسي]

اقتباس:  المشاركة الأصلية كتبت بواسطة هلاوين     ياليت الواحد يشوف حلم زين علشان يروح يفسره شكرا لك

هلا بك

اشرب غرشة لبن وفكر لك باي شي واضربها نومة

تبي تجيك حلوم الدنيا

هلا بك هلاوين

[عجوز سمنسي]

اقتباس:  المشاركة الأصلية كتبت بواسطة حَرَفٌ لآ يُعَآنِقُه الجَفَآفْ     أَهلاً وَسهلاً بِ حَبيب القَلب وَعوداً حَميداً ! مُتابِع بِ صَمت

هلا والله وغلا بالانيق حرف لايعانقه الجفاف

اهلا بك في متصفحي حتى ولو كنت متابعا

شرفتني ياغالي

[عجوز سمنسي]

اقتباس:  المشاركة الأصلية كتبت بواسطة خن بط     88 ماخلاهن انواع الكوابيس والحلوم والخذاريف إلا إذا صار العصر إبطشن بالكراث ومعه زنجبيل ودرجة الحرارة حوالي خمسين درجه مئوية وهمن يكملنه عقب المغرب بمكسرات وفطاير وعصير وهمن بعد العشاء يضربن هالقرصان وهالجريش وهمن يختمنه ببسي وهمن تصير بطونهن تقل براميل غاز ابو خمس وعشرين وانواع المر وهمن يمسكن الفراش ولا تسمع بهالليل إلا تقسيمات بيتهوفن مخلوط مع حلوم وهمن إذا قامن هن وشوشهن الصبح اتصلن على المشايخ والدجالين .

ههههههههههههههههههههه

الله يرج مجموعتك ياخن بط

اجل ضرب من السمفونيات على الحان ام كلثوم والا عبدالحليم ؟

شكل السمفونيات من حقات شعبولا

عاد الله يعين الزوج كود يركب من مرواح الشفط بكل جهه يالله يالله يسلم من غاز النتروجين والا يبي يختنق ويصير شهيد الزوجية

شرفتني ياقلبي