صبولي الفنجال وارهولي من الدله *** البن الأشقر يداوي الكيف فنجاله

[مين أصدق]

[align=center]على فكره القهوه الاصيله فالماضي كانو يحتسونها بلا هيل وكان الهيل غالي جدا ومن يشرب قهوه بهيل يعتبر من الساده كانت القهوه له جوها وجليتها الجميله

مو الحين بنات هالوقت بنات الاندومي والكتكات تشوفه واقفه بالمطبخ على انه تعرف شيئ وهو بالاصل الخادمه تعرف وتذمر وتشمر افضل منها وكذلك اضافن للقهوه خلطات الله اعلم بها حتى راح الكيف

تهوش ماتهوش مافيه فايده القهوه صاير مره خضراء مره زرقاء من هالخلطات

بالدول العربيه خصوصا المغاربي وبالتحديد المغرب وتونس بناتهم تبدع في تحضير القهوه ويضيفون خلطات قديمه بشكل حضاري وبفناجيل او كاسات مازالت قديمه لكن لها روعتها وجوها الجميل الرائع

القهوه هاللحين صارت تطبخ 5 دقائق ويالله تقهوى ولايكثر مدة جلوسك [/align]

[فيمتــو]

القهوة على الحمس والطبخ
بعضها تجيك ذهبية اللون وطعمها بالرأس
وبعضهن تجيك حرقه من زود الحمس
ولا بعضهن مخربين طعمها بالمسمار <-- متعقد من المسمار.

[قـتـالـه]

اقتباس:  المشاركة الأصلية كتبت بواسطة *فيمتو*     ولا بعضهن مخربين طعمها بالمسمار <-- متعقد من المسمار.

وانت الصادتز يخدر لسانك ويورم وماعاد تقدر تصك عليه فمك
المسمار عطر القهوه ينحط حبه او حبتين فقط بدون طحن بقاعة الدله مع الهيل المجروش وبعدها زل القهوه وشف الريحه والطعم ..

[انتظرتك]

اقتباس:  المشاركة الأصلية كتبت بواسطة عذبـــــة     الله يسلمك اي مابي يقهويني الا قتالة تخبرها راعية فن وكيف بالقهوة والله بإجتماعاتنا مثل مالزمزميات القهوة نصيب .. ايضا لزمزميات الكابوتشينو والموكا والقهوة التركية نصيب .. بس انهن مو بأكواب .. نحطها بزمزميات لأن الكووب الواحد مايكفي راعيات طويلة .. ويكون مع البيالات والفناجيل أكواب قهوة الزبدة .. الحين ماتفرق بين القهوة الأصيلة الأولية وبين مطاريس الكبت شينو على اسم واحد من الأعضاء هنا .

ولله في خلقه شؤون !
مادام صار للكابتشينو زمزميه

[لعيون دودي]

القهوة وماادراك مالقهوة؟؟؟
افتقدها كثيرا اذا "تأخرت" باحتسائها.. لها لدي اوقات اذا فاتت
لم يصبح لها طعم ... بعد الافطار خاصة "بالدوام" لا غنى عنها حتى استطيع
اكمال اليوم مع "العالم" وانا بخير وعند المغرب جلسة الاهل والوناسة
عني لا احبذا الشوكلاه غالبا مع القهوة "فالسكري" يزيح الجميع ع الجانب الاخر
الكثير للاسف تمادى بصنع القهوة بل تفنن فيها ولكن للاسوا للاسف
تخجل من نفسك حين تتذوق "قهوه" من انت مجبر لاحتساء قهوتهم
انا عن نفسي يروق لي شكل "الدلة " ولكن لا اعتقد انها تفرق اذا وضعت في
"الزمزمية" على قولتكم هي فن اليد التي تعملها فقط
وعلى فكره ترى "الزمزميات" الان بالآف الرياالات واسال "الخنبشي والسيد"

[كااااجو]

قهوة معتبر ة محبوكة حبك بدون خلطات بفنجال السيف وشوية تمر مع تويكس ..ياسلالالام ولاأروع
اعتقد الدلة خفت الحاجة لها والزمزمية تفي بالغرض وايجابياتها اكثر من الدلة بوقتنا الحالي
العمدة على :حمس القهوة ماتصير نية او حرقة مره
وتسلم من هالخلطات اللي تجيب المر ..منتالي اهم شي اللون عند الناس تقل
ميرندا والطعم تكرم نعمة ربي تجيب ضيقة الصدر
ويصير الهيل من النوع الجيد
وتسلم من الملقمة الهاجرة او الزمزميه او الدلة الهاجرة
تحياتي للجميع ..

[انتظرتك]

اقتباس:  المشاركة الأصلية كتبت بواسطة اموونه     مرحباً .. , , حلوه يتجرأ , حسيت انه فيه أحد راح يقدم مشروبات روحيه بدلة شوف .. الليدي زمزميه حلت بديل عن الشيخه دله لأسباب منها الليدي زمزميه عصريه وتناسب حياتنا العصريه أكثر حياتنا تغير الأيقاع فيها والشيخه دله ماتقدر تواكب هذا الأيقاع لانها لا تستطيع أن تحتفظ بحرارة القهوة لمدة طويله مثل الليدي زمزميه وتحتاج الى {حال ومحتول } عشان تظل الرشفه ساخنه , , أعشق الجلسه العائليه في المغربيه حوالين صينيه فيها دله أو زمزميه وصحن حلى وتمره سكريه ولكن العشق الحقيقي عندما تكون القهوة قهوة غنيه أجتماعياً وحتى وان كانت فقيره أقتصادياً بمعنى ليس مهماً نوع القهوة وجودتها مقارنة بما تحدثه تلك القهوة من تقارب عائلي وجلسه لاتمل خصوصاً اذا صنعتها أيدي قد زاد حسنها عندما تجعدت وأرتسمت خطوط ولادتي وتربيتي وحياتي عليها ( أمي ) , , مافائدة القهوة الغنيه أقتصادياً والفقيره أجتماعياً !

امونه



وش هي المشروبات الروحية ؟؟


ذكرتي نقطة مهمة وهي
إجتماع الأسرة أثناء قهوة المساء
وهذا الشي مفقود في بعض البيوت للإسف
وبرأيي الشخصي أرى أن أهم سبب في ذلك
امممممم اتركه لكِ ......

[انتظرتك]

اقتباس:  المشاركة الأصلية كتبت بواسطة التنين الصيني     صدقت .. الاقاويل كثيرة ............. يربحن من الخلطات بلاهن من هاللي يشرون على بالهم " الظلماوي"[/center]

الظلماوي وما ادراك مالظلماوي


هل يوجد في زماننا هذا إنسان مثل الظلماوي ..!

[محارهـ]

اقتباس:  المشاركة الأصلية كتبت بواسطة انتظرتك     امونه وش هي المشروبات الروحية ؟؟ ذكرتي نقطة مهمة وهي إجتماع الأسرة أثناء قهوة المساء وهذا الشي مفقود في بعض البيوت للإسف وبرأيي الشخصي أرى أن أهم سبب في ذلك امممممم اتركه لكِ ......

أقصد رد بول وطقتهـ

فيه أحد مايعرف ايش هي المشروبات الروحيهـ !


مشروبات روحيهـ = لفظ أنيق للخمر

, ,

جينا لفقرة أكمال الفراغ

الفراغ لا يمكن أكمالهـ بكلمة واحده أو حتى مجموعة كلمات

وحتى لو أكملت الفراغ

لن أحصل على العلامه الكامله عند التصحيح

عارف ليه ؟

لان مايكون سبب عندي بيكون عند غيري مايعتبر سبب

, ,

[قـتـالـه]

رحال
طالبتك
لاتردني
اسدحلنا مواضيع كيف زي موضوعك هذا
وربي ملينا من المواضيع على نفس الوتيره !

[Qassimy]

الحمد لله جت على خير وصفت على قهوة
أنت تعرف الاجازة وكثرة الختات برا توقعت موضوعك عن مشروب النسبة كم

على العموم يا راعي الكيف ما صار إلا كل خير
كل عام وأنت رايق

[انتظرتك]

اقتباس:  المشاركة الأصلية كتبت بواسطة eivl girl     [align=center]ياذي القهوه الي معطينها اكبر من حجمها[/align][align=center] انا عندي رجال نكفه مايشربون الا من دله ياما حاولت اغريهم بالزمزميات وعجزت صراع انا وهالقهوه مع اني من اول نظره لدنيا وانا اصلحه الا ان قهوتي للحين ماطابت لهم ان خففت قالو ماء وان ثقلت قالو تجيب الضغط وان زينت شنفر قالو الهنديه وان زينت الهنديه قالو الخير وان صبيت شوي بالفنجال قالو امليه وان مليته قالو يقلل تصدقون مره عندنا رجال رجعو الفناجيل يقولون يافناجيل السيف يامانبي القهوه ترا راس مالتس قهوه ولولا الجالكسي ولا تسان للحين ببيت الطين[/align]

ايفل قيرل



إذا القهوه وكل عمرك تسوينها ماعرفتي تضبطينها
أجل باقي الطبخات كيف ... ياخزياه بس

اتركي عنك الجالكسي علشان تتذوقين القهوة زين
وتضبطينها بدال مانتي هواش كل يوم مع أهلك ,,,

[انتظرتك]

اقتباس:  المشاركة الأصلية كتبت بواسطة نـور     في ضل وجود السيارآت تستطيع التنقل على حصآن؟؟ لم تعد لدلآل معى آو ثقآفه هي شي من الترآث فقط تخيل معي تذهب لمكآن ويضيفونك قهوه بدلآل لن تستسيغ بعد الفنجآل تكون بآردة وبعد مآيكتشف المضيف آن القهوه بآرده رآح يذهب بهآ للمطبخ بعدهآ يرجع لك بالقهوه مسخنه وهي به هيل<لك آن تتخيل طعمهآ وأضف الى ذلك لن يكون هنآك سآلفه إلآ عند إذنك أبسخن القهوه عند إذنك أجيب إبريق الشآي

نور

الله ينور على قلبك ..


إذا كان بالبيت حريم شقرديات
مايحتاج تسخين للدلة
ومثال على ذلك في المناسبات
دله تردف دله مايمدي الدنيا تبرد ...

[انتظرتك]

اقتباس:  المشاركة الأصلية كتبت بواسطة تـولين     ماشاء الله ياوحده من جيران أمي لاجت بتجينا تتشرط تحطون القهوه بالدله ولامب جايه ماتحقر روحه؟ عادي تمون هماه بس تجي توسع صدر أميمتي ---- أنا مب راعية كيف ولا راعية قهوه عادي أجلس شهور ماذقت القهوه بس ألاحظ فرق بطعم القهوه بين الدله والزمزميه بالطبع العنقاء ألذ وخصوصا لاصارن دلال النحاس القديمات عليهن طعم يسمرن الراس وانا مب راعية قهوه

تولين



على الأقل خلي ام جيرانك تشغل الدلال
اللي مصفوفات بالمطبخ بدون استخدام ..

بس من شفتك تقولين يسمرن الراس
عرفت انك مدمنه قهوه ....

[انتظرتك]

اقتباس:  المشاركة الأصلية كتبت بواسطة محمد الدحيم     موضوع جميل الله يعطيك العافيه

يعافيك ربي ,,,