الــمجــلس الإجتـمــاعـي /// لـ النقاش والحـوار الهادف !!

[شمس الرياض]

اقتباس: على طاري تعود الأذن على اللغه , احد الزملاء في الصف الثانوي كان بليدا في اللغه الإنليجزيه , قابلته صدفه في احد الأسواق في دبي , المهم اصر على ان نشرب كوب من القهوه لنتسامر قليلا , اتى الموظف الفلبيني ليكتب طلباتنا , صاحبي اخذ يخطابه لغه انجليزيه جيده جدا , بعد ان ذهب الموظف سألته مشاء الله لغتك الإنجليزيه جيده هل اخذت دوره صيفيه في انجلترا ...؟ قال لا ... بل أخذت دوره باللغه في بيتنا ...! قلت له كيف ...؟ قال : كل يوم اتابع على الأقل فلمين غربيين مترجمين , كنت اسمع الكلمه و الترجمه وأقرأ ترجمتها على الشاشه , ومع مرور الزمن ومحاولة المخالطه بمن يتكلم الإنجليزيه اكتسبت الخبره التي تمكنني من تمشية حالي مع هذه اللغه ...

مرحبا فور يو حياك

اتفق معك وهذا بالفعل ماحدث لولد اختي الحين ماشالله عليه تقول دارس في لندن خمس سنوات

واللغه ممارسه اكثر منها دراسه شف احنا نتعلم الانجليزي من المتوسط

للجامعة والنتيجة تكون اللغه والمحادثه معدومه عند البعض

وخير بركه اذا عرف يصرف عمره في السفر

[مــنــال]

ماشاء الله على صديقك أخي فور يو و كمان أصنفه ممن لديه إرادة و رغبة للتعلم و هذا برأيي امر مهم ..

لكن طريقتة لا تصلح لتعلم الجميع ، لأن ممكن يتفرج فيلم و يتابع الترجمة و ينسى يعطي إذنه نصيب من السماع

و طريقة مون في انه يذهب و يختلط بأهل اللغة هي الطريقة السريعة و الجيدة بنظري ، لأنك لو تلاحظ الخادمة

عندما تأتي لأول مره البلد لا تفهم شيئا ً و بمكوثها عندنا شهرين تجدها تنطق و تفهم ماتقول لها ..

لذلك أرى الاختلاط و برامج المحادثة الصوتية و الاستماع للإشرطة مهم جدا ً و تساعد على تعلم اي لغة ..

[ابوخالد382]

اقتباس:  المشاركة الأصلية كتبت بواسطة the-moon     8 8 بس على ماقال ترى مامثلكم تهاوشون بذاك مع أبوخالد والطقة

هذا وأنا ولهن عليك ياقمر,واسأل راشد يعلمك,لكن ابصير أطيب منك يالكندي وأقول لك :الحمدلله على السلامه,ومبروك دخولك القفص الحديدي.كبر راسك يالدحمي علينا,الله يرحم أيام المطار القديم.

[شمس الرياض]

اقتباس: لذلك أرى الاختلاط و برامج المحادثة الصوتية و الاستماع للإشرطة مهم جدا ً و تساعد على تعلم اي لغة ..

رائعة الفكره يامنال

[راشد الصليحان]

اقتباس: المشاركة الأصلية بواسطة.. شمس الرياض; اتمنى من البعض التزام الحوارات الهادفه حتى لا تتعرض ردودهم للحذف

بدووون زعــــل


رجاااااء خاااااص من أخ محب للجميع ...

اتمنى من الأخوة الكرااااااام ان يساعدونا على عدم تحويل المجلس لحورات جانبية لاتخدم منطق الحوار الهادف هنا ...فالمجلس للجميع ولكل من يرغب بإضافة رأي او أقتراح جميل ...من أجــل المناقشة والحوار الأخوي ...!

كما اتمنى من المشرفات الكريمات شمس والعبرى وكوين والملتاعة ..متابعة مايجري هنا
من حورات جانبية قد تحرف حورات المجلس عن مساره ...! فالحذف للمشاركات غير المفيدة ...هو الأسلوب الأمثل لضبط النقاش

[Queen of buraydh]

صباحكم خير يا اخوان واخوات ..

أريد نبذه مُبسـّـطه عن تعامل الأب المِثالي لأبناءه ..! كيف يكون ؟ وما الذي يطغى على الآخر بوقتنا ؟ الاب المثالي ام الأب بالإسم فقط دون المعنى ؟..........في مُخيلتي الكثير عن من الاستفسارات عن هذا الموضع و لي عوده بعد آرائكم الكريمه .. وأتمنى ما تخذلوني

أطيب تحيه

[فور يو]

اقتباس:  المشاركة الأصلية كتبت بواسطة Queen buraydh     أريد نبذه مُبسـّـطه عن تعامل الأب المِثالي لأبناءه ..! كيف يكون ؟

اهلا كوين :-

كم اعمار الأبناء , لكل عمر تربيه معينه ...؟

[فور يو]

اقتباس:  المشاركة الأصلية كتبت بواسطة شمس الرياض     مرحبا فور يو حياك اتفق معك وهذا بالفعل ماحدث لولد اختي الحين ماشالله عليه تقول دارس في لندن خمس سنوات واللغه ممارسه اكثر منها دراسه شف احنا نتعلم الانجليزي من المتوسط للجامعة والنتيجة تكون اللغه والمحادثه معدومه عند البعض وخير بركه اذا عرف يصرف عمره في السفر

اهلا شمس

اكيد تعلم اللغه ممارسه ومخالطه و محادثه ,

درست المتوسط وتخرجت من الثانويه اللغه الإنلجيزيه تعبانه مره عندي والسبب كنا ندرس ع شان ننجح بس ...

بعد التخرج من الثانويه اشتغلت في مكان عمل مسائي يعتمد على مقابلة الجمهور وهذا الجمهور اغلبه من شرق آسيا ...

في 3 شهور تعلمت افضل مما درسته في ست سنوات ...

[Queen of buraydh]

اقتباس:  المشاركة الأصلية كتبت بواسطة فور يو     اهلا كوين :- كم اعمار الأبناء , لكل عمر تربيه معينه ...؟

مرحبا فور يو .. بالنسبه للاطفال لا يهم ,, اريد نبذه عامه منذ فترة التمييز حتى خروجهما من المنزل سواء بزواج او وفاة ..

شاكره لك

[فور يو]

اقتباس:  المشاركة الأصلية كتبت بواسطة Queen buraydh     مرحبا فور يو .. بالنسبه للاطفال لا يهم ,, اريد نبذه عامه منذ فترة التمييز حتى خروجهما من المنزل سواء بزواج او وفاة .. شاكره لك

اهلا كوين

يقولون إذا كبر الولد خاوه ...

يعني لما يكبر الولد او البنت من الأفضل ان تكون المعامله بينهما كالأصدقاء حتى لا يستحي الولد او البنت من قول مافي الخاطر ...

احيانا كثيره نجد هناك فجوه كبيره بين الولد او البنت عند الكبر مع الوالدين والسبب

الرسميات التي يتبعها الوالدين مع الأبناء , لذا تجدينهم يلجئون للغير للبوح والشكوى ..

[شمس الرياض]

اقتباس: صباحكم خير يا اخوان واخوات ..

مرحبا كوين صباحك ورد وجوري

اقتباس: أريد نبذه مُبسـّـطه عن تعامل الأب المِثالي لأبناءه ..! كيف يكون ؟

الاب المثالي ياكوين براي الذي يعرف احتياجات ابنائه

ليست الماديه فقط بل التواجد والاهتمام ويتعامل مع كل عمر ومتطلباته

فمرحلة الطفوله لها احتياجات خاصه والمراهقه وهي اصعب مرحله

تتطلب التواجد والتوجية والرقابة والنصيحة

وهكذا ويتعامل بالعدل بين اينائه ويكون ذو شخصيه قوية

وليس مسيطره وصارمه لان النتيجه ستكون عكسيه لهم بالمستقبل

لها قدره على التاثير ويتعامل بحب وحنان وتوجيه

ياكوين لابد من ترك الحريه في ابدا الراي والنقاش حتى يكون هناك ابناء

لديهم شخصية قويه ولديهم ثقة بانفسهم في المستقبل

اقتباس: وما الذي يطغى على الآخر بوقتنا ؟ الاب المثالي ام الأب بالإسم فقط دون المعنى ؟..........في مُخيلتي الكثير عن من الاستفسارات عن هذا الموضع و لي عوده بعد آرائكم الكريمه ..

والله ياكوين الاجابه هنا قد تكون متساويه النسبه وقد تكون متفاوته

اقتباس: وأتمنى ما تخذلوني

نخذل ملكتنا اهو دا اللي مش ممكن ابدا ولا افكر فيه

[the-moon]

[align=center]المعذرة أحبتي إداريي هذا المتصفح على هذا الرد الخارج عن السياق
وجمعت كل ماعندي برد واحد فاسمحوا لي

اقتباس:  المشاركة الأصلية كتبت بواسطة نجم النعايم     والا بي أنقز الى خاصية البحث ولقيتكم ماشاءالله متواجدين ورايقين وتتكلمون عن زواج "مووووون" عساه زواج مبارك ان شاءالله

الله يبار بأيامك يانجم
وأنت على ماقال خل وخل

اقتباس:  المشاركة الأصلية كتبت بواسطة حصيصه الامريكيه     هلااا ذا مووون وش اخبارك الصراحه توووي جديده على المنتدى ومير امر على الموضوع ذا والقاهم (الاعضاء يتحمدوولك على السلاامه)قلت معقوووله امر ولا اتحمد بسلامه على ذا مووون ذا مووون الحمدلله على السلامه

ربي يسلمك ياخيتي
والله يحيك بدارك

اقتباس:  المشاركة الأصلية كتبت بواسطة بنت بريده2     ذا موووون وصل الحمد لله على السلامه وياليت تنقل لنا تجربتك في السفر لانه ننوي السفر لاخذ اللغه ياليت تبرز لنا الايجابيات والسلبيات

ربي يحييك أختي بنت بريدة
بالنسبة لتعلم اللغة زي ماقلت لأختي فاطمة
أكثر شيء ممكن يستفاد منه هناك هو تطور السماع وتعود الأذن على اللغة
أكثر من الأشياء الأخرى كالمفردات والنطق وغيرها
أنا أرى إنه نفس النتيجة يمكن تحقيقها هنا بممارسة بعض التمارين
للمهارات الأساسية باللغة وهذي اللي ممكن تفصل فيها شيختنا الذاهبة
لكن الرحلة أنا أرى أن فوائدها في أمور أخرى أكثر منها في اللغة نفسها فالتجربة ثرية بلا شك
ولعله كان من المقاصد السياحة فالبلد هناك فيه طبيعة رائعة
لكن أهم نصيحة أهديها لمن يرغب الذهاب لتعلم اللغة أن يؤسس نفسه قبل الذهاب
بأن يملك مفردات تساعده على التواصل وأن يعرف القواعد الأساسية للغة

وأي سؤال عندك أنا في الخدمة

اقتباس:  المشاركة الأصلية كتبت بواسطة فور يو     هلا و غلا بالقمر ... على طاري تعود الأذن على اللغه , احد الزملاء في الصف الثانوي كان بليدا في اللغه الإنليجزيه , قابلته صدفه في احد الأسواق في دبي , المهم اصر على ان نشرب كوب من القهوه لنتسامر قليلا , اتى الموظف الفلبيني ليكتب طلباتنا , صاحبي اخذ يخطابه لغه انجليزيه جيده جدا , بعد ان ذهب الموظف سألته مشاء الله لغتك الإنجليزيه جيده هل اخذت دوره صيفيه في انجلترا ...؟ قال لا ... بل أخذت دوره باللغه في بيتنا ...! قلت له كيف ...؟ قال : كل يوم اتابع على الأقل فلمين غربيين مترجمين , كنت اسمع الكلمه و الترجمه وأقرأ ترجمتها على الشاشه , ومع مرور الزمن ومحاولة المخالطه بمن يتكلم الإنجليزيه اكتسبت الخبره التي تمكنني من تمشية حالي مع هذه اللغه ... اعذب تحيه للكل .

مرحباً أخي فور يو
رفيقك صادق الحقيقة أن أهم مهارة من مهارات اللغة هي السماع
وهذ مايقوله من جرب دائماً
والدليل الطفل الصغير أول سنيّ عمره يبدأها بسماع محادثات الناس من حوله

اقتباس:  المشاركة الأصلية كتبت بواسطة راشد الصليحان     اهلابالغالي نجم النعايم ... شرفت مجلسنا ...سؤالك في محله ..؟ ربعنا يانجم... يموتون بشيء اسمه الجحادة ...يرضعون الجحادة من الصغر..! تخيل يانجم واحد يتزوج ربي يبارك له ويهنيه بزواجه يجحد علينا ..؟؟ مدري ويش هو خايف منه ..! ماألومه طبع الديرة الجحادة ...بعضهم يخاف من العين والبعض الآخر مايرتاح لين يجحد عن الناس ...!

إي والله إنك صادق ياراشد ليه هالعالم جحيدا
وبيني وبينك عاد يوم إنك غزيت على حداهم
ترى حتى أنا مرت علي هالتجربة ولا قلت لأحد كلّش
ليش ؟
الوحيد اللي يقدر يجاوب على هالسؤال هو اللي يعرف الطبائعيون وأنا أخوك
ياخوي هاك الجهبذ الله يحفظة عز الله إنه جابه

اقتباس:  المشاركة الأصلية كتبت بواسطة لمبـة شارع     حياك الله مون وحيا الله (سطيراتك المنيلة) .... إيه منيلة أنت ومكتبك اللي شرت عليّ فيهم في الصيف... طلعونا من الرياض بطلعة الروح..وعشرين يوم ما أكدو الحجز...وطبعو لي التذاكر دايركت ويوم طرنا أثرنا ترانزيت على محطة قعدنا فيها ساعتين ..ولاجاملونا ولا بمشوار واحد من المطار للفندق... لكن تبي الصراحة...هم أرخص من غيرهم وعليهم طرق التفافية لتدبير المقاعد.. وبالمناسبة مون..وشلون الهني مون ؟

هلا والله لمبة
عاد شف يابعدي هاك المكتب مامثله لو تبتل
خصوصاً اللي كزيتك لمّه هذاك وليد مصلح ههههه
بس عاد إعذرهم مادريوا إنك من يمّي ولا كان حطوك بجنب السواق
أما الهني مون لاتهمك جرب الهني كرولر وتدعي لي

اقتباس:  المشاركة الأصلية كتبت بواسطة فارس الميدان     اهلاً وسهلاُ بك وبعودتك سالم غانم .. هو متغير من يوم عرف انك متزوج .. مدري من قاله ،، انا تقل شفتك قايل ان فتحي ستر عنز في احد المواضيع . بس صديت كأني ماشفتها ،، ترا والله مو انا الي قايله مايجوزلك تتهم .. ،، اختر يا انك تطلقها او تطلق راشد كااااااااااك اما ثنتين لا ما يصلح اخاف ما تعدل ..

والله يافارس مدري وش أسوي له منجن على سالفة هالعرس
إلا يبي يتأكد حتى أمس شفته قاعد يراقبن عند الباب يبي يشوف المدام إذا طلعت
تكفى سلك لي معه ياخوك ترى الصلح خير
وبعدين هو ماله إلا حقوقه كامله هههه

اقتباس:  المشاركة الأصلية كتبت بواسطة فارس الميدان     ذاااامون ... تكفى تكفى دبرلي لمبة شارع خل احبه ويصير عندي حبيب مثلك انت مع راشد ،، وانا مع لمبة ياخي انا احبه وهو ماغير يجدع علي من الاستهتار ..

ياحبيب ألبي حط له ماء به سكر ومالك إلا تصير حياته
بعدين أنت ماقصيت مفتاح لمبه ترى تلومني قاعد يقص على مفتاحه بالزاوية يمديك عليه

اقتباس:  المشاركة الأصلية كتبت بواسطة ابوخالد382     هذا وأنا ولهن عليك ياقمر,واسأل راشد يعلمك,لكن ابصير أطيب منك يالكندي وأقول لك :الحمدلله على السلامه,ومبروك دخولك القفص الحديدي.كبر راسك يالدحمي علينا,الله يرحم أيام المطار القديم.

هلا والله أبوخالد
تصدق ماينفع شكلك إذا صرت فخم ههه يابعدي كلش إلا زعلك
وأنت خاربن أستانس عليك وأنت تلاقط مع هالبنيات وتعافر يطلع شكلك تحفة
بس عاد خبرك لازم أكشخ بهالمضارب
هه فتحي شكلك موهق خلق الله يذكرك بخير يالذاهبة
وربي يسلمك ياخيو[/align]

[@عيون الصقر@]

بالنسبة لي ماله داعي ارحب بمون واتحمد على سلامته يكفي فرحتي بردته

[شموع تحت المطر]

اقتباس:  المشاركة الأصلية كتبت بواسطة the-moon     8 8 أنتي حطي اللي تبين راشد مهب يعيي بس على ماقال ترى مامثلكم تهاوشون بذاك مع أبوخالد والطقة

يالقمر... مبروك زواجك..اول شي..

بعدين أنا عارفة ان محد يردني..بس احط خبر
وبالأول والاخير..ابو خالد وفور يو>>> مسلطين علـــي.. بس وش حاجتي أعرف آخذ حقي...

اما هوشاتنا..بصراحة انا دايم مظلومة.. صدق بالمواضيع الاولى كنت اتكلم بس الاخيرات سكت فيهن..اكتفيت بالمشاهدة بس الظلم لحقني.. بس ماعلية ماهموني..

اقتباس:  المشاركة الأصلية كتبت بواسطة الملتاعه     وش فيه قسم الأسره يـ شمووووع أفا يعني حنا رواد قسم الأسره مب مثقفااااات إن شاء الله فهمتك غلط

حبيبتي يالملتاعه.. محد فهم قصدي.. القسم هذا شرف للكل انهم يدخلونة ويكفي اسمك المثبت فيه.. بس شوفي موضوع عاشقة هواء بريدة.. وتفهمين كلامي..

شوفي تريقة الرقالة... يوم دخلوا هالقسم حاسوا مريرة.. والبنت جاية ناصحة لهم وغسلوها..

يعني لحد يلومني لاجبت العيد بهالموضوع..

[لمبـة شارع]

اعتقد ان الوالد الجيد ينبغي ان يصغي آذانه لتعلم ثقافات واهتمامات يميل اليها اولاده حتى لو لم يكن مقتنعا بها...

إنها تساعده في تحقيق مفهوم الصداقة مع الاولاد حتى لايبدو (طارئا)عليهم (يعني مثل الاطرش في الزفة ) عندما يشاركهم الحديث او التقرير حول خياراتهم.....

إن الآباء الذين لا توجد لديهم اهتمامات مشتركة مع أبنائهم تجدهم يتعاملون معهم بشكل روتيني يتعلق بالواجبات والحقوق ومسائل البر والنفقة ومتطلبات الدراسة والكساوي والمصاريف العامة ليس إلا...

كان لنا صديقين عندما نخرج الى البر لعدة أيام يزورنا والدهما إما لوحده او مع احد اصدقائه ..فيقضي معنا يوما او بعض يوم ويتداخل معنا في كل مسألة..حتى لو كانت شأن شبابي صغير ...كان احسن الله خاتمته لا يشعرنا بالتململ منه..لأنه كان يمتلك خبرة جيدة وإخلاصا في شؤون اولاده....